Todxs Un faladoiro sobre prácticas situadas e novos centros de creación 60 min 📍Curro do Fidel 8/08 | 10:30-11:30 Este faladoiro propón unha reflexión aberta sobre o rural como un espazo fértil de creación, pensamento e transformación. Nun contexto no que os grandes centros urbanos monopolizan moitas veces os circuítos culturais e as lóxicas de produción artística, preguntámonos: que acontece cando decidimos crear fóra do sistema? Que formas xorden cando a práctica artística se vincula profundamente co territorio e coa comunidade que o habita? A través de experiencias concretas e procesos situados, abordaremos cuestións como a autoxestión, a creación en comunidade, as metodoloxías colaborativas e os retos económicos e estruturais de desenvolver proxectos artísticos en contextos non centrais. Este encontro quere ser tamén un espazo de diálogo: unha oportunidade para compartir prácticas e aprendizaxes arredor doutras formas de crear e habitar.

Artur Puga & Xabier Garaloces Obradoiro de danza 90 min 📍Camiño da Hortensia 8/08 | 11:30-13:00 Tras o éxito da súa primeira edición, Pés de Fiadeiro regresa a Drados na súa versión 2.0 para seguir facendo medrar a experiencia e achegala a máis xente. Inspirado nos antigos fiadeiros e na tradición dos cegos cantores, este encontro propón descubrir o baile galego dun xeito aberto, vivo e participativo. Da man de Artur Puga e Xabier Garaloces, poderás aprender os pasos básicos da xota e da muiñeira sen necesidade de experiencia previa. Unha oportunidade para revivir tradicións, fortalecer lazos e encher de vida Drados a través da música e do baile.

Todxs Performance colectiva 30 min 📍Fonte do Areal 8/08 | 13:30-14:00 Acción colectiva que convida a amplificar as voces que habitan Drados. Non fai falta traer nada preparado. O importante é o que acontece no momento: escoitar, compartir e deixar que as palabras xurdan. A partir dun xesto sinxelo, construiremos unha peza colectiva que dará voz ao festival e ás persoas que o fan posible.

Chumba Instalación audiovisual 30 min 📍Espazo 5 8/08 | 17:00-17:30 Esta instalación audiovisual invita a mergullarse na Serra de Queixa a través da escoita e da observación. O territorio convértese aquí nunha voz propia, que se expresa sen explicacións, a través dos seus sons, ritmos e atmosferas. Creada a partir de material sonoro e visual recollido durante o tempo de residencia en Candedo, a peza combina elementos naturais coas pegadas da presenza humana, revelando as relacións e transformacións da paisaxe.

Experimento poético de baixo orzamento Mercedes Martínez Modroño Poesía participativa 60 min 📍Camiño da Hortensia 8/08 | 17:00-17:30 Un evento que nace da poesía escrita desde e para a aldea, coa materia humilde do cotián e coa forza do encontro. Aquí a palabra non se recita: pónse a xirar, mestúrase, salpica. No centro, un obxecto imposible, una lavadora, convértese en símbolo e ferramenta: xira para revolver versos, estoupa para liberar risos, desordena para crear. Porque ás veces é preciso facer ruído para atopar música. Cada representación é única, construída co público nun exercicio de escrita colectiva onde o ritmo manda e a emoción circula.

Sergio Marey Performance Sonora Colectiva 30 min 📍Espazo 9 8/08 | 18:30- 19:00 Zoadeira é una performance sonora que traballa o zumbido como forma de memoria e coidado colectivo. A través da construción e activación de zoadeiras —artefactos sonoros que vibran ao xirar— o proxecto explora a dimensión simbólica do son circular como presencia compartida ante a perda. Inspirado na Danza do Abellón, non pretende recuperar un rito, senón repensar, desde o presente, as prácticas comunitarias de acompañamento do duelo no rural galego. O son, a vibración e o movemento convértense así en metáforas de sostén mutuo, entendendo a arte como espazo para activar memoria, comunidade e coidado.

Benxamin Otero & Laura Torrado Blanco Música o vivo e ilustración 45 min 📍Espazo 6 8/08 | 19:00- 19:45 "Luz, tempo e música a través dunha metamorfose" explora o concepto de cambio da man da ilustración e do son. Observaremos a transformación da luz a través das bolboretas e avelaíñas que habitan Drados, e gardaremos ese paso do tempo dende os debuxos de Laura e a música de Benxamín. O resultado será una peza sonora e plástica que transite as formas, as cores e a luz e que se transforma como o fan estes pequenos insectos que conviven con nós.

Andrea Mosquera Instalación performática 30 min 📍Fonte do Areal 8/08 | 20:00- 20:30 9/08 |12:00-12:30 Aquí, o sensible perdura nace dun xesto pequeno: deter o paso e mirar. En distintos recunchos de Drados teñen lugar accións mínimas, case invisibles. Unha man que roza a pedra, un corpo que se inclina sobre a vexetación, una presencia que permanece sin ocupar. Nada se impón. Nada se transforma de maneira evidente. Só acontece o encontro. A fotografía recolle ese intre fráxil e devólveo ao mesmo lugar onde foi vivido. Imaxe e territorio respiran xuntos. O corpo móvese a partir do recordo, como se cada xesto fose eco doutro anterior. Revelar o que está sostido polo cohabitar. O que, mesmo cando parece desaparecer, permanece.

Arawake Teatro Dispositivo escénico 15 min 📍Espazo 7 8/08 | 20:30-22:00 9/08 | 11:30-13:30 Dispositivo escénico que convida a entrar nun universo íntimo e sorprendente, un pequeno teatro onde as historias medran na proximidade. A peza é un encontro con Drados e coa súa historia: coas súas lembranzas, co seu imaxinario e coas pegadas que o tempo deixou no lugar. Sobre a escena, pasado e presente mestúranse para dar forma a un espazo vivo, cheo de detalles que cobran forza e significado cando se miran de preto.

Ana Gesto & todxs Performance colectiva 60 min 📍Fonte do Areal 8/08 | 22:45- 00:00 Sábanas, manteles e colchas antigas, gardadas durante anos nas casas e cargadas de historias, convértense en pezas únicas que serán vestidas polas persoas participantes nunha procesión de memoria e herdanza compartida. A noite comezará cun paseo polos camiños de Drados, un tempo para camiñar, escoitar e deixar que a paisaxe fale. A luz revelará o territorio mentres o vento, os pasos e os sons do lugar compoñen una arquitectura viva da escoita. Ao remate do traxecto, o camiño transformarase en escenario. Durante uns intres, o enxoval doméstico converterase en alta costura.

Todxs Música 60 min 📍Casa do Pobo 9/08 | 00:00-01:00 Comezamos a festa cun DJ set cheo de ritmo, temazos e boa enerxía!!!

Fela Bianchi & Todxs Música 60 min 📍Casa do Pobo 9/08 | 01:00-02:00 Unha sesión de ritmos rotos, grooves sincopados e baixos potentes e expresivos. Unha proposta chea de personalidade para deixar levar o corpo e mergullarse no baile.